පෙම්වතිය පෙම්වතාගේ ලක්ෂ 41ක් වංචා කරලා

ඉතාලියේ සිටින තම පියා මගින් තම පෙම්වතාට හා ඔහුගේ මිතුරනට රැකියා සපයා දෙන බව කියමින් රුපියල් ලක්ෂ 41ක් වංචා කළැයි කියන පෙම්වතියකට නඩු පැවරීමට යයි.

මාලිගාකන්ද මහේස්ත්‍රාත් ජයකි ද අල්විස් මහත්මිය ඉදිරියේ කොළඹ වංචා විමර්ශන අංශය පැමිණිල්ල ඉදිරිපත් කළේය.

මරදානේ හර්ශනී නිමන්තිකාට මැයි හය වැනි දා චෝදනා ගොනු කරන ලෙස මහේස්ත්‍රාත්වරිය පොලිසියට නියෝග කළාය.

අනුරාධපුරයේ නොච්චියාගම වැසියකු වන පැමිණිලිකරු කියා සිටියේ පෙම්වතියගේ බහ විශ්වාස කර මුදල් දුන් නමුත් රිකියා නොලැබුණු බවයි.

සැකකාරිය ඇප මත මුදා හරිනු ලැබ සිටියි.

පෙම්වතී වෙනෙකෙක් හා පැන යයි… හිලව්වට නැගනිය අඹුකමට අරන් හිරේ

තමන් විවාහ ගිවිසගෙන සිටි පෙම්වකිය වෙනත් පුද්ගලයෙකු හා පැන යාමෙන් පසු ඊට හිලවුවක් ලෙස බාල වයස්කාර නැගණිය විවාහ කර ගන්නේ යයි පවසමින් ඇය අපහරණය කිරීමකට චෝදනා ලැබ අධිකරණය හමුවට පමුණුවා සිටි තරුණයෙකු රක්ෂිත බන්ධනාගාර ගත කිරීමට මුත්තූර් මහේස්ත‍්‍රාත් අධිකරණය නියෝග කර ඇත.
රත්නපුර ප‍්‍රදේශයේ පදිංචි 19 හැවිරිදි තරුණයෙක් මෙසේ රක්‍ෂති බන්ධනාගාර ගත කර ඇති අතර සේරුනුවර තංගනගර් ප‍්‍රදේශයේ පදිංචි දැරියගේ මව පොලීසියට පවසා ඇත්තේ මෙසේය.
‘මේ ළමයා ලොකු දුව බඳින්න පොරොන්දු වෙලා හිටියේ. පස්සෙ ලොකු දුව වෙන ළමයෙක් එක්ක පැනලා ගියා. මේ ළමයා කාලයක සිට අපේ ගෙදරමයි හිටියේ. පස්සේ මෙයා අපේ පොඩි දුව සමඟ සම්බන්ධකමක් පැවැත්වූවා. එයාට වයස අවුරුදු 14 යි. අපි කිවුවා දුව වයස සම්පූර්ණ වුණාට පස්සේ විවාහ කරලා දෙන්නම් කියලා. ඒ අස්සේ අපි ගෙදර නැති වෙලාවක දෙන්නා අඹු සැමියන් ලෙස හැසිරිලා තියෙනවා. ඊට පස්සෙත් සම්බන්ධය දිගටම තිබිලා මට අහු වුණා’

දකුණේ සංචාරක ස්ථානවලට යන්නෙ පරිස්සමෙන් - ශ‍්‍රී ලංකාව​ ලෝකයෙන් පිරිහෙයි

ශ‍්‍රී ලංකාවේ සංචාරය කිරීම සඳහා පැමිණෙන බි‍්‍රතාන්‍ය ජාතිකයින්ට එරට රජය අනතුරු ඇගවීමක් සිදුකර තිබෙනවා. ඒ, ශ‍්‍රී ලංකාවේ දකුණු පළාතේ අවන්හල් සහ මත්පැන් අලෙවි කරන ස්ථානවලට යාමේ දී විමසිලිමත් වන ලෙසයි. එම ස්ථානවලින් ලබා ගන්නා බිම වර්ගවලට මත් ද්‍රව්‍ය මිශ‍්‍රකර ලබාදෙන බවට වාර්තා ලැබී ඇති බවයි බි‍්‍රතාන්‍ය විදේශ කටයුතු සහ පොදු රාජ්‍ය මණ්ඩලයීය කාර්යාලය නිවේදනය කර ඇත්තේ. එවැනි මත්ද්‍රව්‍ය යෙදු බීම වර්ග පානය කළ ඇතැම් බි‍්‍රතාන්‍ය කාන්තාවන් විවිධ හිරිහැරයන්ට ලක්ව ඇති බවද වැඩිදුරටත් වාර්තාවනවා. එබැවින් එම අවන්හල් සහ මත්පැන් අලෙවිකරන ස්ථානවලට යාමේ දී සහ රැුඳි සිටිමේ දී සැලකිලිමත්වන ලෙසයි එම කාර්යාලය බි‍්‍රතාන්‍ය ජාතිකයින්ට දැනුම් දී ඇත්තේ.

මත්තල අන්තර්ජාතික ගුවන් තොටුපොළට තෙල් ගෙන ගිය​ බවුසරයක් ගිනිගනියි

මත්තල අන්තර්ජාතික ගුවන් තොටුපොළට ගුවන් යානා ඉන්ධන රැුගෙන ගිය බවුසරයක් සූරියවැව මීගහජදුර ප‍්‍රදේශයේදී ගිනිගෙන විනාශ වී තිබෙනවා. පොලිසිය පවසන්නේ එම බවුසරය නවතා තිබූ බස් රථයක ගැටී මාර්ගය හරහා පෙරළී යාමෙන් ගින්න ඇති වූ බවයි. එහි රැගෙන ගිය ගුවන් යානා ඉන්ධන ප‍්‍රමාණය ලීටර් තිස් තුන්දහසක් පමණ වනවා. කෙසේවෙතත් අදාළ අනතුරෙන් ජීවිත හානි හෝ කිසිවෙකුට තුවාල සිදුව නැහැ. බවුසරයේ රියැදුරා ඉන් ඉවතට පැන ජීවිතය බේරාගෙන තිබෙනවා.